Wednesday, January 31, 2018

Lab meeting - ийн дараах хүүрнэл

Манай лаб 7 хоног бүрийн нэг өдөр хуралтай байдаг юм. Тэр өдөр бөөн стресс болдог. 7 хоногт юу хийсэнээ танилцуулаад шинээр юу хийх гэж байгаагаа яриад тэгээд проф баахан асуулт асуугаад (туршилт болон онолын) загнахыг нь загнаад, тайлбарлахыг нь тайлбарлаад, зарим нэгийг нь уйлтал нь загнана. Бүгд л түгшээстэй.  Проф өнөөдөр жаахан ууртай байсан.
Өнөөдрийн хурал дуусаад би амрахыг зөвшөөрсөн хуудсанд гарын үсгийг нь авах гэсэн чинь нээх сүртэй "Чи удаан байна шүү, чамайг амраахгүй гэснээ заза тоглосон юм сайхан амраарай гээд гарын үсгээ зураад өгнө лээ". Манай лаб-ын хэд чамайг проф амраахгүй гэсэн үү гээд бөөн яриа болж байна. Манай хэд хүний муунд дуртайг хэлэх үү,

Заримдаа хийж байгаа туршилтаасаа болоод сүпер стрессдэх юмаа. Амралтын өдөр ч амрахгүй зүтгээд байхад хүссэн үр дүн гарахгүй болохоор тэгээд л бөөн стресс бухимдал.
Бид хурлын дараа проф-ийнхоо чанга хатууг гайхан ярьж бусад оюутануудын жаргалтайг баахан ярив. Проф өмнөх хурал дээр намайг gene editing-гээ өөр эс дээр туршаад үз гэсэн болохоор нь өмнөх хурлын дараагаас туршиж байгаа юм. Тэгээд өнөөдөр туршилтаа танилцуулсан чинь чи яагаад өөр эс дээр туршиж байгаан гээд гайхаад хэхэ, би та өөрөө хэлсэн ш дээ гэж арай л хэлж амжсангүй ээ ууртай байгаа дээр нь нэмээд яахав гээд аятайхан шиг тайлбарлалаа ш дээ. Гарч ирээд бид проф-ийнхаа мартамхайг гайхан ярилцлаа.
Их зүйл сурч байгаагаа бодоод л стрессээ тайлах юм даа. Бас борголоо уугаад л сайхан болдог юм.

Ихрүүд намайг орой ууртай ирэхээр үнсээд л тайтгаруулж байна бас.

Monday, January 8, 2018

Манай лаб-хан 2

Манайд шинээр хэдэн мастерын Хятад оюутанууд ирсэн. Хятад оюутануудад магтууштай сайн талууд их байна. Даруухан, туйлын хичээнгүй өглөөнөөс орой болтол лаб-даа туршилтаа хийгээд шөнө унтах гэж л дотуур байрлуугаа явна. Жилд 10 хоног л амардаг. Амралтын өдөрт ч лаб-даа л байж байна. Дандаа захиалгын хоол иднэ. Угаасаа дотуур байранд нь хоол хийхийг хориглодог ус буцалгагч ч байлгадаггүй юм билээ. Тэгээд жилийн 4 улирал жилийн 340 хоногт нь энэ лаб-даа байж байгаад төгсөнө шүү дээ. 00 дотор нэг хаалга нь дүштэй тэндээ усанд орчихно. Манай эмнэлэгийн 00-үүдын хаалга нь бүгд цоожгүй, зарим нь хаалга ч байдаггүй юм. Эхлээд 00 орохдоо нэг л эвгүй санагдаад хэцүү байсан одоо бол сурчихжээ. Сэдвээсээ халиад явчихлаа.

Хятад оюутануудын суурь боловсрол их сайн санагддаг. Ялангуяа анагаахын оюутануудын онол болон практикийн мэдлэг их сайн санагдсан.  Энэ хэд маань ёстой л судлаач байх гэж төрсөн хүмүүс шиг л судалгааны ажилаа хийнэ шүү дээ. Мэдээж дотроо жаахан өрсөлдөөстэй. Анагаахын салбарт хийж байгаа судалгааны ажлууд нь бол бүр дээшээ явж өгчээ.
Манай лаб-аас 3 оюутан Америкт жилийн хугацаатай судалгааны ажил хийхээр явсан.  Нэг иймэрхүү байна даа.

Sunday, January 7, 2018

Шинэ жилээ яаж гаргасан гэж үү

Хятад ирээд 2 дахь шинэ жилээ угтан авлаа. Өмнөх жил нээх гойд юмгүй нөхөртэйгээ 2лаа өрөөндөө цомхон тэмдэглээд шинэ жилээ угтан авсан.
Энэ жил 4лээ байгаа болохоор дээр нь гадуур байр түрээсэлж байгаа болохоор илүү өргөн хүрээнд тэмдэглэн өнгөрүүлсэн. Энд ирсэнээсээ хойш олон сайхан дүү нартай болсон тэдний маань нэг хэсэг нь ирж хамтдаа хоол ундаа бэлдэн хийж хөгжилтэй сайхан шинэ оноо угтан авлаа.
Манай хотод л юмны үнэ Монголоос үнэтэй. Бялуу гэхэд л 8 инчтэй нь хамгийн хямддаа 158юан болсон.  Үхрийн мах 1кг нь 60 юанаас эхэлнэ. Бид гахайн мах 1кг 38 юан, тахианы мах 36юанаар авсан. Ногоо нь ч бас Монголоос үнэтэй. Гурил хүртэл 1кг нь 5аас 9 юаны хооронд байдаг. Байрны түрээс бүр үнэтэй. Цахилгаан, сөх, интернет бас Монголоос үнэтэй хэхэ. Нээх баахан үнэ биччихлээ.  Оюутан хүмүүст хааяа хэтэрхий өртөг өндөртэй амьдраад байгаа санагддаг. Тэгэхдээ үрстэйгээ хамт байх шиг сайхан зүй хаана байхав.


Tuesday, December 12, 2017

Үнэ цэнэ нь үл мэдэгдэх шагнал урамшуулал

Өчигдөр цуг сурдаг оюутан маань "та шилдэг оюутанд материалаа өгөөч" гэлээ. Нэг талаар намайг үнэлж байгаа нь сайхан боловч нөгөө талаар надад их зүйл бодогдуулсан (сөрөг)орой боллоо. Эгч нь ч шилдэг оюутан болохоор гавьяа байгуулсан юм алга даа гэлээ. Өмнөх жилийнхээс харахад бараг л дүнгийн дундаж нь 3аас дээш бол хэдэн юан төлөөд авчих юм билээ.
Надад нэг л таагүй сэтгэдэл төрөөд байдаг юм. Залуучууд бид чинь үнэ цэнэ нь үл мэдэгдэх шагнал урамшуулалд ямар ч дуртай юм билээ дээ. Залуучууд бид өөрсдийгөө арай л дутуу үнэлээд байх шиг. Ёр нь гадаадад сурч байгаа оюутан бидний хувьд 3 дээш үнэлгээтэй байх нь шагнуулаад байх зүйл биш, энэ бол зүгээр л байх ёстой зүйл. Та 3 дээш үнэлгээ авч чадахгүй бол сурч буй мэргэжилдээ тэнцэх чадаж байгаа эсэх талаараа л бодох хэрэгтэй байх.  Энэ үнэ цэнэ нь үл мэдэх шагнал, медалиудаас залуучууд бид татгалзаж байж л өөрсдийгөө бодитоор үнэлэх цаашлаад бид өөрсдийгөө үнэлэх үнэлэмж нэмэгдэх байх даа.
Нүглийн нүдийг гурилаар хуурахтай адил бид нэгнийгээ болон өөрийгөө алийн болгон хуурч амьдрах бий дээ.

Эссэ бичээд

Сурч байгаа хотын маань Монгол оюутануудын дунд эссэ бичлэгийн уралдаан болоод нэг эссэ бичсэн ухаантай.


Миний оролцоо Монголын ирээдүйд

Энэ сэдвийн хараад хамгийн түрүүнд миний толгойнд орж ирсэн зүйл бол миний эзэмшсэн мэргэжил, миний одоо сурч байгаа боловсрол Монголын ирээдүйд ямар хэрэгтэй талаар бичье гэж бодож байсан ч хүн бүр л ингэж бичдэг шүү дээ. Энэ сэдвийн хүрээнд яригддаг зүйл гэвэл нөгөө л мундаг боловсролтой байж Монголын ирээдүй гэрэлтэнэ гэдэг, яг үнэндээ миний харж байгаа өнцгөөс бид нээх боловсролоор дутаад байгаа биш санагддаг. Хаа сайгүй л гадаадад боловсрол эзэмшсэн хүмүүс их болж тэгсэн хэрнээ л тэр боловсролоо өөр зүйлд ашиглах нь харамсалтай санагддаг. Нөгөөтэйгүүр гадаад дотоодод зовон байж эзэмшсэн мэдлэгээ хэрэгжүүлэх боломж олдохгүй байх нь их. Би 2 дахь гадаад улсдаа боловсрол эзэмших гэж байна. Эргэн тойронд байгаа оюутануудаа харахад аав ээж бид чинь үр хүүхдүүдийнхээ боловсрол дээр нь анхаараад хүмүүжилийг нь орхидуулчихжээ хэмээн бодогддог. 

Хаанаас ч юм нэг дуу хоолой “Чи өөрийнхөө бодож явдаг нөгөө сэдвээ бичээч” гэж нууцхан шивнээ чихэнд биш зүрхэнд шивнэлээ.

Sunday, October 29, 2017

Манай лаб-хан-1

Блогтоо ангийнхан болон лаб -ийнхаа хүүхдүүдийн талаар бичих гэхээр яг альнаас нь эхлэхээ мэдэхээ больчих юм. 
Манай лаб 1 эрэгтэй арван хэдэн эмэгтэйтэй(тоолж байгаагүй юм байна). Ихэнх нь магистрт цөөхөн хэд нь докторт сурдаг. Хятад хүмүүс хүүхдүүдээ яаж ингэж хөдөлмөрлүүлж сургасан байна гээд ангайж байна. Унтах гэж бор хоногтоо л дотуур байрлуугаа явна. Өдрийн цайгаа ч тухтай уухгүй ингэж хичээж сурч байгааг нь хараад гайхах бахархах зэрэгцдэг юм. Заримдаа туйлын өрөвдөлтэй санагддаг, энэ дэлхий дээр чинь сурахаас өөр амьдрал байна шүү дээ гэж хэлмээр байдаг. Олон хүн амтай улсад ингэж хөдөлмөрлөж байж байр сууриа олж авдаг байх гэж бодно. 
Нөгөө талаар залуучууд нь ингэж хөдөлмөрлөж байж л улс орон нь хөгждөг байх хэмээн бодогддог. 

Суралцах юм ихтэй лаб шүү. 
Өнөөдөр бидний ихэнхийнх эс бохирдсон учраас юунаас болсоноо ярилцаад хариултыг үл олов.  Өглөө ирээд эсээ үзтэл бурхан минь баахан нян бужигнаж байв. Бараг уйлсангүй. ямар их хичээж байгаа билээ дээ. Амралтын өдөр ч амрахгүй байхад гээд л... ийм үед хамаг эрч хүч алга болчихсон юм шиг санагддаг. За яахав дахиад л хийе. Энэ бол боломж алдаагаа олоод ахиад эхлэе гээд өөрийгөө тайвшруулж байна.

Өчигдөр ихрүүдийн том нь ханиад хүрсэн байсан чинь өнөө шөнө хоолой нь өвдөөд хонолоо. Лаб-дээрээ байгаа ч гэрлүүгээ бас яараастай.

Нэг сайхан өдөр явна-24 Best Places to Visit in Africa




Africa is an enormous continent, and it offers countless destinations worth exploring. In a trip through Africa, you can meet the Masai Mara people in Kenya, look out onto the plains of the Serengeti or relax on a tropical island. Africa is diverse and beautiful, and there is no end to what you can see, do and explore there. As you plan your next African journey, be sure to include at least one from this list of best places to visit in Africa as your schedule will allow.

24. Ait Benhaddou (Morocco)


On the edge of the High Atlas Mountains in Morocco is the incredible city of Ait Benhaddou. Also known as Mud Brick City, Ait Benhaddou is an ancient fortified stop that was a haven for travelers going between the Sahara and the city of Marrakesh. On a visit to Ait Benhaddou, you can tour the mud buildings, explore the ancient Granary at the top of the hilltop city and even tour the Mausoleum of Ben-Haddou.